දේශපාලනයේ ඉතිහාසය
මිනිසා පෘථිවියේ ස්ථාපිත වූ පසු භෞතික වස්තු කෙරෙහි තණ්හාව වැඩි වීමත් සමඟ වර්ෂ දහස් ගණනක් අවසානයේ විවිධ ගැටලු වලට මුහුණ දීමට සිදුවිය. මතු වූ ප්‍රධාන ගැටලු 5 පහත දැක් වේ.
1) මනුෂ්‍ය හා සත්ත්ව ඝාතනය කිරීම්
2) අනුන් සතු වස්තුව සොරකම් කිරීම් හා පැහැරගැනීම්
3) සදාචාරාත්මක නොවන ඇසුරු කිරීම්
4) අන් අය රැවටීම්
5) මත්ද්‍රව්‍ය වලට ඇබ්බැහි වීම්
මෙම ප්‍රශ්න දිනෙන් දින උත්සන්න වීම නිසා මිනිසාම රැස් වී තීරණයකට එළඹේ. ඔවුන් විසින්ම දේශය පාලනය කිරීමට පාලකයෙකු පත් කර ගනී. එම පුද්ගලයා බුද්ධිය අතින්ද, දැනුම් අතින්ද, ශිල්ප ක්‍රම අතින්ද, අධිමානසික හැකියා වලින්ද ඉතා දක්ෂ කෙනෙක් විය. සියල්ලෝම සම්මතයකට එළඹීමෙන් පත් කරගත් නිසා මහා සම්මත රජතුමා යැයි නම් කෙරිණි. පෘථිවියේ පමණක් නොව අනන්ත අප්‍රමාණ අනෙකුත් ලෝක වලද මෙසේම සිදුවිය.
මුලදී මුළු ලෝකයටම සිටියේ එක් පාලකයෙක් පමණි. ජනගහන වර්ධනයත් සමඟ එක් අයෙකුට සියල්ලම පාලනය කිරීමට අපහසු විය. ඉන්පසු පාලකයා විසින් එක් එක් ප්‍රදේශ පාලනය කිරීමට ඔහු යටතේ තවත් අනු පාලකයන් පිරිසක් ඇති කරන ලදී. ජනගහනය තවත් වර්ධනය වීම නිසා එම අනු පාලකයන් යටතේද තවත් පාලකයින් බිහිවිණි. මහාද්වීප, රටවල්, නගර, ගම්, නියම්ගම් පාලනයට වෙන වෙනම පාලකයින් ඇති කරගන්නා ලදී. ඔවුන් තොරාගනු ලැබුවේ දක්ෂතාව මතය. නොයෙකුත් ශිල්ප ශාස්ත්‍ර හා තාක්ෂණයේ දියුණුවත් සමඟ එම එක් එක් විෂයයන් අනුවද පාලකයින් වර්ගීකරණය සිදුවිණි. එම තොරාගැනීම් සිදු කරනු ලැබූයේ ඒ ඒ විෂයයන්හි දක්ෂතාව අනුවය.
එකල වෙනත් ලෝක වල ජීවීන් සමඟද සම්බන්ධතා පවත්වා ගත හැකි ලෙස තාක්ෂණය දියුණු වී තිබිණි. විවිධ ලෝක අතර සම්බන්ධතා තුළින් සංස්කෘතීන්, තාක්ෂණයන් හුවමාරු විණි. පසු කාලයේදී තණ්හාව වැඩි වීමත් සමඟ ලෝක අතර ගැටුම් ඇති වීමට පටන් ගනී. එකල බොහෝ න්‍යෂ්ටික යුද්ධ සිදුවිය. ඇතැම් විට ලෝක පිටින් විනාශ කරන ලදී. (සෞරග්‍රහ මණ්ඩලයේ ඇති ග්‍රහක වළල්ලද එසේ විනාශ වූ ග්‍රහලෝකයක් බවට මතයක් පවතී.) මේ තත්ත්වය උත්සන්න වීම නිසා සියලු ලෝක වල පාලකයින් අතර එකඟතාවක් ඇති කර ගැනීමට සිදුවිණි. ඉන්පසු අන්තර්ලෝක සමසමූහාණ්ඩුව පිහිටුවන ලදී. ඔවුන් විසින් නීති රීති මාලාවක් සම්පාදනය කරන ලදී. බොහෝ අය මේ නීතිරීති මාලාවට එකඟ වුවත් සුළු පිරිසක් එකඟ නොවිණි. ඔවුන් යටත්විජිතවාදීන්ය. ඔවුන් නිතර විනාශකාරී කටයුතු වල නියුතු වූ අතර සමසමූහාණ්ඩුවේ පිරිස නිසා එක්තරා අයුරකට මෙය පාලනය විණි. පසුව චක්‍රාවාට තරණය කිරීමට තරම් තාක්ෂණය දියුණු වීම නිසා චක්‍රාවාට අතරද එකඟතාවක් ඇති විය. එයින් අන්තර් චක්‍රාවාට සමසමූහාණ්ඩුව (Galactic Confederation) බිහි විණි.
මේ අතර විවිධ ලෝක වල යුද්ධ හා ස්වාභාවික විපත් නිසා මිනිස් වර්ගයා විනාශ විණි. එවිට නැවත වෙනත් ලෝක වල ජීවීන් එම ලෝක වලට ගොස් මිනිසාට ජීවත් වීමට සුදුසු පරිදි ලෝක සකසා ජාන තාක්ෂණයෙන් මිනිස් පරපුර ඇති කරන ලදී. මුලදී එසේ ඇති කරන ලද මිනිස් පරපුර ඔවුන්ගේ උපදෙස් පරිදි පාලනය වූ අතර ඔවුන්ගේ තාක්ෂණයද ලබා දිණි. අප පෘථිවියද මේ ආකාරයට විවිධ විපත් නිසා විනාශ වී ඇත. නැවත මිනිස් පරපුර බිහිකර ඇත. ලෝකයේ විවිධ ආගම් බිහි වූයේද මේ ක්‍රියාවලිය නිසාය. සර්ව බලධාරියෙක් පිළිබඳව විශ්වාසයකට එළඹුණේ මේ නිසාය. අප ලෝකයේ පමණක් නොව වෙනත් ලෝක වලද මෙසේ ආගම් බිහි වී ඇත.
පසුකාලීනව නැවත ජනගහණය වැඩි වීමත් සමඟ ඉහත කී ක්‍රියාවලිය සිදු වේ. මෙය චක්‍රයක් බඳුය. නැවත නැවත ලෝක විනාශ වේ. නැවත නැවත මිනිසා ස්ථාපිත කරයි. නැවත නැවත ආගම් බිහි වේ. නැවත නැවත දේශපාලනය බිහි වේ. නැවත නැවත තාක්ෂණය දියුණු වේ.
ලංකාවේ දේශපාලනය
ලංකාවේ දේශපාලන ඉතිහාසය මූලාශ්‍ර වල ඇති පරිදි ක්‍රි.පූ.125000 ඉක්මවයි. නවතම සොයාගැනීම් අනුව අවුරුදු මිලියන 2ක් පමණ වේ. මාගේ මතයට අනුව ලංකා ඉතිහාසය අවුරුදු බිලියන ගණනක් එපිටට දුවයි. සාක්ෂි ඇතත් නැතත් ඩයිනෝසර් අවදියේ පවා ලංකාවේ ජනාවාස පැවැති බව මාගේ මතයයි.
අවුරුදු දහස් ගණනක් (7000ක් පමණ) අතීතයේ රාවණා යනුවෙන් රජ කෙනෙක් මුළු ලෝකයම පමණක් නොව සිකුරු, අඟහරු, හා චන්ද්‍ර ජනාවාසද පාලනය කරන ලදී. එකල තාක්ෂණයද දේශපාලන ක්‍රමයද මීට වඩා දියුණු මට්ටමක පැවතිණි.
පෙර යක්ෂ, රාක්ෂ, නාග යනුවෙන් වංශ 3ක් ලංකාවේ සිටි අතර එම 3හිම අයට දේව නැමති අධ්‍යාපනය ලබා දී දක්ෂයින්ගෙන් දේව වංශයද ඇති කර ඇත. දේව යනු පාලනයයි. රටේ පාලකයාට 'දේවයන් වහන්ස' යනුවෙන් අමතා ඇත්තේ ඒ නිසාය. නූතනයේ ඇතැම් ආගම් වල දෙවියන් ලෙස අදහන්නේද එකල ලංකාවේ හා ඉන්දියාවේ වාසය කළ රජවරුන්ය. මාගේ මතයට අනුව ලෝකයේ සියළු ශිෂ්ටාචාර බිහි වීමට මුල් වී ඇත්තේ ලංකාවයි. ඉන්දීය, ග්‍රීක හා ඒ ආශ්‍රිත ශිෂ්ටාචාර ලංකාව මුල් කරගෙන ඇති වූ බව මගේ විශ්වාසයයි. සුදු ජනයින් ජාන තාක්ෂණයෙන් බිහි කරන ලද බවත් මගේ මතයකි. ලංකාවේ වැරදි කරන්නන් පිටුවහල් කර ඇත්තේ දකුණු ඇමෙරිකාවටය. එකල එය පාතාලය යනුවෙන් හඳුන්වා ඇත. එසේ හැඳින්වීමට හේතුව එය අපේ පා තලය යටින් පිහිටි නිසාය. එයින්ද පැහැදිලි වන්නේ අප තාක්ෂණයේ පැවති දියුණුවයි. විවිධ ලෝක තරණය කළ ලංකාවේ ශිෂ්ටාචාරයට ලෝකය ගෝලාකාර බව හඳුනාගැනීම සුළු දෙයකි.
එකල දේශපාලන ක්‍රමයේ රටේ පාලකයා තෝරාගත්තේ දක්ෂකම අනුවය. පරපුරෙන් පරපුරට පාලකයා පත් කරගත්තේ නැත. එය ඉන්දීය ක්‍රමයකි. දක්ෂකම අනුව පාලකයා පත් කිරීම ලොව විශිෂ්ටම ක්‍රමයයි. එකල දේශපාලනයේ තිබූ සමහර අංග නූතන විද්‍යාවෙන් පවා පැහැදිලි කල නොහැක. ඒ තරමටම දේශපාලනය ඉතා නිවැරදි විය. තාක්ෂණය උපරිම වශයෙන් භාවිතා කෙරිණි. අධිමානසික ක්‍රමවේදයන්ද භාවිතා විණි. වැරදි කරන්නවුන්ට දඬුවම් කිරීමද ඉතා ශිෂ්ට සම්පන්නය. කෙනෙක් වරදක් කළහොත් එම පුද්ගලයාට අවවාද දෙනු ලැබේ. නැවතත් වරද කළහොත් තදින් අවවාද කරන අතර පුනරුත්ථාපනයද කරයි. ඒ කිසි ලෙසකින් සාර්ථක ප්‍රතිඵලයක් අත් නොවුණහොත් වරදකරුවාව තනි කරයි. රටින් පිටුවහල් කරයි. එකල කිසිම ශාරීරික වදයක් තිබුණේ නැත. මානසිකවද සිදුවන වදය ඉතාම අවම කිරීමට එකල පාලකයින් ක්‍රියා කර ඇත.
පසු කාලීනව රටේ තිබූ තාක්ෂණය විනාශ විණි. විනාශ වූ ආකාරය තවමත් අභිරහසකි. ස්වාභාවික විපතක් (බොහෝ විට චුම්භක ක්ෂේත්‍රයේ වෙනසක් ) හෝ පිටසක්වළ ආක්‍රමණයක් විය හැක. ඊටත් පසුව ඇති වූ ඉන්දීය ආක්‍රමණ වලින් තත්ත්වය තවත් බරපතල විය. දේශපාලන ක්‍රමය උඩුයටිකුරු විණි. පරපුරෙන් පරපුරට රජකම හිමි වීම ආරම්භ විණි. වරදකරුවන්ට ශාරීරික දඬුවම් ලබා දීම ආරම්භ විණි.
අවුරුදු 500කට ඉහත සිට පැවති බටහිර ආක්‍රමණ නිසා තත්ත්වය තව තවත් බරපතල විය. රට විනාශ මුඛය කරා ගෙන යන ලදී. රජකම වෙනුවට වෙනත් අමුතුම ආණ්ඩු ක්‍රමයක් බිහි විණි. පාර්ලිමේන්තු බිහි විණි. පක්ෂ බිහි විණි. එයින් රට තුළ පමණක් නොව පාලන තන්ත්‍රය තුළද ආරවුල් ඇති විණි.
අද සිදුවී ඇත්තේ කුමක්ද? අප තවමත් කරන්නේ සුද්දන්ට කඩේ යාම නොවේද? අප යා යුත්තේ අතීතයේ පැවති හෙළ රජ පාලනයට නොවේද? සිතන්නට යමක්..
No comments:
Post a Comment